Inyanda yeenkuni

Kudala-dala, kwilali encinci ezolileyo, kwakukho umfama owayesebenza nzima owayenefama. Amasimi akhe ayethe qelele enezityalo ezixabisekileyo. Abahlali belali babedla ngokuthi, “Lo mfama umele ukuba ngoyena mntu wonwabileyo edolophini!”

Kodwa umfama wayengonwabanga njengokuba abantu babecinga. Oonyana bakhe babesoloko bexambulisana. Kungakhathaliseki ukuba wayebaxelela kangakanani ukuba bavane, baqhubeka besilwa ngezinto ezincinci.

Ngenye injikalanga, ngoxa wayephumle phantsi komthunzi womthi omkhulu, umfama waba necebo. Wahamba waya kwimfumba yeenkuni. Waqokelela iinkuni waza wazibophelela kwinyanda eqinileyo.

Emva koko, wabiza oonyana bakhe waza wabeka inyanda phambi kwabo.

“Zama ukuyophula le nto,” watsho.

Unyana omkhulu uye ngaphambili. Wayibamba inyanda waza wayicinezela ngamandla akhe onke, kodwa ayizange iqhawuke. Unyana wesibini wazama ngokulandelayo. Emva koko, oyena mncinane wayeka. Kodwa kungakhathaliseki ukuba babetyhala okanye babejija kangakanani na, iintonga zazingenakushukuma.

Emva kokuba ebabukele besokola, umfama wathatha inyanda waza wayikhulula intambo. Wanika unyana ngamnye intonga enye. “Ngoku, zama kwakhona,” watsho.

Unyana ngamnye wophula iintonga yakhe lula.
Unyana omkhulu wafinga iintshiya. "Tata, ithetha ukuthini lento? Siyenzele ntoni?"

Umfama wancuma. "Bantwana bam nifana nezinduku. Xa zidityanisiwe iintonga zomelele. Kodwa xa zizodwa zophuka kungekho ntsokolo iyephi. Kuyafana ke nakuni. Ukuba nihlala nisilwa, nokwahlukana, nibebuthakathaka. Kodwa ukuba nima ndawonye akukho mntu uya kuniqhawula."

Bajongana oonyana, amazwi kayise etshona. Baqonda ukuba bubudenge iingxwabangxwaba babebanazo.

Ukususela ngaloo mini, basebenza kunye. Baxhasana baza baba lusapho olonwabileyo. Ubudlelwane babo bomelele, bunjengenyanda yeenkuni.

Umfama wancuma. Wayesazi ukuba isifundo sakhe someleza ubudlelwana kunye neentliziyo zabo.
Xa umfama ezisa inyanda yeenkuni koonyana bakhe, bayayeka ukuxambulisana. Bafundiswe njani yinyanda nje yeenkuni?