Unomyayi nejokho
Aesop | eGrisi
Unomyayi onxaniweyo ubhaqa ijokho enamanzi kodwa asezantsi kakhulu. Leliphi iqhinga anolisebenzisa ukuze asele amanzi?
Ngenye imini efudumeleyo, egqubayo, unomyayi wabhabha ngentla komhlaba owomileyo ezingela amanzi. "Ndinxaniwe! Ndidinga amanzi.”
Emveni kwethuba elide lokuzingela, yetshe into ekudeni. Kwakuhleli ijokho phezukwesanti. Kwazala ithemba entliziyweni kanomyayi, waleqa kuze afumane ingqwalasela.
Wakroba ngaphakathi, kwabe kukho intwana yamanzi ngezantsi. "Oh yhini! Andikwazi ukufikela kuwo" esitsho edanile.
Ijokho yayinzulu kakhulu, ibhityile. Wazama ukuvula umlomo, kwabe kungafikeki emanzini.
Wangabacinga unomyayi "Ndingenza njani?"
Waqaphela ilityana phantsi, kweqatha iqhinga. Wachola ilitye ngomlomo, Gxumfu! Waphinda ngelinye, Gxumfu! Kwabangangena ilitye, amanzi aye esonyukela. Ekugqibeleni, amanzi enyukela ngokwaneleyo.
Unomyayi we nxu umlomo warhabula amanzi. “Ahh! Kwatsho kwangcono!” esitsho ngovuyo, ekholesekile. Waphekuza iimpiko yimincili wandiza unomyayi okrelekrele, Sele elungele uhambo lwakhe olulandelayo.
Umrhwebi kunye nedonki
Emva kokutyibilika emlanjeni, idonki libona umthwalo wayo onzima usiba khaphukhaphu. Kodwa kwenzeka ntoni xa eqalisa ukwenza ngabom?
UAnansi nomdlalo wokutsalana
UAnansi, isigcawu esincinci, esikrelekrele, ucela umngeni kwindlovu kunye nemvubu ukuba ziqubisane kumdlalo wokutsalana. Ingaba ubukrelekrele baso bunokuphumelela ehlathini?
Ixhego eliphulukene nehashe lalo
Ixhego lijongene neziganeko ezilungileyo nezimbi ngokuzolileyo. Ingaba into ekhangeleka ngathi lishwangusha inokuzisa into entle, okanye ngenye indlela?
Ixhego nomzukulwana walo
Utatomkhulu uphathwa kakubi ngunyana nomolokazana wakhe. Yintoni eya kubanceda bayiqonde impazamo yabo baze batshintshe indlela abamphatha ngayo?