Impungutye kunye nomgawuli
Aesop | eGrisi
Umgawuli (Umntu ocanda iinkuni) unceda impungutye ukuba izimele kodwa ngokufihlakeleyo abonise indawo yayo yokuzimela. Ucinga ukuba yaziva njani impungutye emva koko?
Kwathi ke kaloku, impungutye yayibaleka ehlathini, izama uqhweshwa kubazingeli nezinja zabo ezazikhonkotha. Intliziyo yayo yabetha ngamandla njengoko yayikhangela indawo yokuzimela. Ke wabona indlu encinci.
Umgawuli onobubele wema ngasemnyango, ebonakala emangalisiwe njengoko impungutye eyayisoyika ibaleka isiza ngakuye.
"Ndicela undincede!" yacenga impungutye.
Umgawuli waba nosizi ngempungutye. Wanqwala, wakhomba ngaphakathi kwikona emnyama. “Zimela apha,” wasebeza.
Emva komzuzwana, bafika abazingeli. Bankqonkqoza emnyango babuza, “Khange ubone impungutye isiza ngapha?”
Umgawuli akazange afune ukungcatsha impungutye, kodwa wayesoyika nokuxoka. Ngoko wathi, “Hayi, andikhange ndibone mpungutye,” kodwa kwangaxeshanye, wenza intshukumo encinane yesandla, ekhomba kwindawo eyayizimele kuyo impungutye.
Ngethamsanqa, abazingeli abazange baqaphele. "Enkosi!" batsho bengxamile babuyela ehlathini ukuze baqhubeke nokukhangela.
Bakuba bemkile abazingeli, impungutye yaphuma apho yayizimele khona. Yavela yahamba ingathethanga nto. Emangalisiwe umgawuli wabuza, “ Awuzondibulela ngokukunceda?”
Impungutye yajika yathi, “Ukuba ngenene ubufuna ukundinceda, ngewungazange ukhombe apho bendizimele khona.” Akhange iphinde ithethe nto impungutye, yasuka yabaleka yabuyela ehlathini. Washiyeka umgawuli ecinga nzulu.
Umvundla kunye nencanda
Ugezelwa ngenxa yemilenze yakhe emifutshane, incanda elikhalipha icela umngeni kugqatso nomvundla. Ingaba uya kuphumelela kumvundla?
Impungutye kunye nengwamza
Impungutye ekrelekrele idlala iqhinga kwingwamza kwisidlo sangokuhlwa. Kodwa xa ilithuba lengwamza ukulungiselela ukutya, ngubani ozakuhlakanipha kunomnye?
Irhanisi elabeka amaqanda eGolide
Umfama nenkosikazi yakhe banambitha ubutyebi kumaqanda abo egolide erhanisi. Kwenzeka ntoni xa ukubawa kubenza bafune yonke igolide ngaxeshanye?
Ukufaka ikati intsimbi
Iimpuku zicinga ngecebo elikrelekrele lokuzigcina zikhuselekile kwikati. Kodwa kwenzeka ntoni xa ilixesha lokuba basenze isigcwangciso sabo?